Íbúðalán bankanna hrapa um rúma 11 milljarða

Íbúðalán bankanna hafa hrapað úr rúmum nítján milljörðum króna í maí í fyrra niður í sjö og hálfan milljarð í maí í ár, samkvæmt tölum Seðlabankans. Upphæðin í nýliðnum maímánuði er jafnframt sú lægsta síðan bankarnir komu inn á íbúðalánamarkaðinn í ágúst árið 2004. Greiningadeild Landsbankans útilokar samt ekki að fasteignaverð hækki eitthvað enn um sinn, en fari svo lækkandi þegar líður á haustið. Frekari verðhækkanir núna auki einungis líkur á verðlækkun síðar.