Orkuverð til ALCOA birt

Guðni Ágússtsson, landbúnaðarráðherra og varaformaður Framsóknarflokksins tekur undir það sjónarmið að Landsvirkjun eigi að opinbera orkusölusamning fyrirtækisins við Alcoa. þetta kom fram í þættinum Pressan á NFS í dag.

Guðni var gestur þáttarins ásamt Einari Oddi Krisjánssyni, varaformanni fjárlaganefndar og Helga Hjörvar, þingmanni Samfylkingar og stjórnarmanni í Landsvirkjun. Helgi hefur boðað að hann muni leggja það til á næsta stjórnarfundi Landsvirkjunar að orkusölusamningurinn verði opinberaður. Er þetta gert í kjölfar fregna af því á vefsvæði ALCOA í Brasilíu að fyrirætkið greiði helmingi hærra verð fyrir orkuna þar í landi en á Íslandi. Orkuverðið í Brasilíu sé 30 dollarar á megavattsstund. Þessum verðsamanburði hefur verið hafnað sem röngum af Landsvirkjun og Alcoa hefur beðið fyrirækið afsökunar á birtingu þessar fréttar. Virðist hún ganga í bága við trúnað um orkuverðið en mjög hefur verið gagnrýnt af anfstæðingum Kárahnjúkavirkjunar að geta ekki haft þetta verð opinbert svo hægt sé að reikna á staðfestum forsendum arðsemi framkvæmdanna.

Einar Oddur sem einnig er fulltrúi Sjálfstæðisflokks í Iðnaðarnefnd ítrekaði þá skoðun sína í þættinum í dag að í ljósi umræðu síðustu daga yrði að aflétta leynd af samningnum. Sagði hann óþolandi að sitja undir því að Landsvirkjun hafi samið af sér í samningum um orkusölu. Guðni Ágústsson var spurður hvort hann væri sammála því sjónarmiði og samsinnti hann því.