Varnarmálin brýnust hjá Valgerði

Valgerður Sverrisdóttir, verðandi utanríkisráðherra, segir að varnarmálin verði brýnasta verkefnið til að takast á við í utanríkismálum. Jón Sigurðsson, verðandi viðskipta- og iðnaðarráðherra segist hafa orðið að svara kalli skyldunnar og hverfa úr Seðlabankanum. Jónína Bjartmarz telur að sátt á milli framkvæmda og umhverfisverndarsinna verði hennar brýnasta verkefni í Umhverfisráðuneytinu.

Það mun mæða mikið á nýjum pósti Valgeðrðar Sverrisdóttur, sem tekur við utanríkisráðuneytinu þegar upplausn er í varnarmálum landsins með brotthvarfi hersins innan nokkurra vikna.

Jón Sigurðsson, hverfur úr Seðlabankanum - og svaraði kalli þegar það kom í morgun. Segir Jón að hann hafi litið á það sem skyldu sína að taka boði um að fara í ríkisstjórn en að ekki sé að vænta breytingu á þeirri stefnu sem fylgt hefur verið.

Jónína Bjartmarz tekur við umhverfisráðuneytinu og telur að það verkefni sé brýnast að leysa úr þeim ágreiningi sem verið hefur á milli virkjunarsinna og umhverfisverndarsinna í íslensku samfélagi.

Magnús Stefánsson, verðandi félagsmálaráðherra telur að þessar breytingar sem gerðar hafa verið á ráðherraliði Framsóknarmanna stuðli að sátt í framsóknarflokknum og um framsókanrflokkinn