Flestar hálendisleiðir enn lokaðar

Flestar hálendisleiðir er enn lokaðar allri umferð á meðan frost er að fara úr jörð samkvæmt upplýsingum frá Vegagerðinni. Þó er búið að opna leiðina frá Sigöldu í Landmannalaugar, um Hólsand frá Grímsstöðum í Ásbyrgi og frá Kelduhverfi að Hljóðaklettum. Þá er vegfarendum á ferð um Vestfirði er bent á að Þorskafjarðarheiði, Tröllatunguheiði og Steinadalsheiði eru aðeins færar stærri jeppum og á þeim er tveggja tonna ásþungi. Einnig hefur verið settur fimm tonna ásþungi á Eyrarfjall í Ísafjarðardjúpi.