Gengi krónunnar heldur áfram að lækka

Gengi krónunnar heldur áfram að lækka og er Evran nú komin í um 94 krónur. Þá lækkaði gengi hlutabréfa í Kauphöllinni í dag.

Erfitt er að meta hvort lækkanirnar í Kauphöllinni eru tilkomnar vegna breytinga á mati Standard og Poor´s á efnahagshorfum landsins sem birt var í gær eða vegna þeirrar óvissu sem ríkir um stjórn landsins eftir afsögn Halldórs Ásgrímssonar. Svo virðist sem erfiðlega gangi að eiga við verðbólguna en gengi krónunnar hefur verið í frjálsi falli ef svo má að orði komast um nokkurt skeið. Verðbólgan er langt yfir verðbólgumarkmiðum Seðlabankans og er nú 7,6%. Gengi krónunnar veiktist í dag sem og gengi bréfa í viðskiptabönkunum. Þannig lækkaði gengi bréfa í KB banka um 2,75%, í Landsbanka um 2,22% og í Glitni um 1,09%. Þá lækkaði úrvalsvísitala Kauphallarinnar um 1,78% og stendur hún nú í rúmum 5 739 stigum.