Þurfa að kanna pólitíks tengsl viðskiptavina

Í frumvarpinu er fjallað um skildu fjármálastofnana til að hafa auga með viðskiptum við fólk sem telst í ákveðnum áhættuhópi vegna stjórnmálatengsla sinna.

Þeir sem eru í áhætttuhóp eru einstaklingar sem eru eða hafa verið háttsettir í opinberri þjónustu og búsettir eru utan Íslands svo sem forsetar, ráðherrar, þingmenn, dómarar, háttsettir saksóknarar, háttsettir sendiherrar, háttsettir liðsforingjar, háttsettir lögreglustjórar og einstaklingar í stjórnum ríkisstofnana. Eins eru makar, sambúðarmakar, börn, tengdabörn og foreldrar þessara einstaklinga í áhættuhóp. Lagt er til að starfsmenn fjármálafyrirtækja afli samþykkis frá yfirstjórn áður en stofnað er til viðskipta við þá sem tilheyra áhættuhópnum. Unnið er að því að afgreiða frumvarpið úr efnahags- og viðskiptanefnd fyrir þinglok. Innhald frumvarpsins er að hluta sótt í alþjóðasamninga en stjórnmálamenn og aðrir háttsettir embættismenn eru taldir í meiri hættu en aðrir að verða fyrir barðinu á hryðjuverkamönnum og öðrum glæpamönnum.

Samtök banka og fjármálafyrirtækja vinna nú að undirbúningi að breyttum reglum í samvinnu við viðskiptaráðuneytið. Hefur meðal annars gagnagrunnurinn World check verið kynntur starfsmönnum einhverra bankanna en hann hefur að geyma opinberar upplýsingar um stjórnmálamenn og þekkt fólk. Fyrirtæki sem rekur grunninn safnar saman öllum mögulegum upplýsingum um einstaklinga og fyrirtæki sem finnast á netinu.

Þykir mörgum bankamönnum nóg um og minna á þá gagnrýni sem bankar hafa orðið fyrir vegna upplýsingabeiðni í sambandi við gjaldeyrisviðskipti. Nú er gengið enn lengra og minnast einhverjir þess þegar bankastjórar spurðu viðskiptavini sína hvað þeir ætluðu að gera við lán sem þeir fengju hjá bankanum.