Tekur Varnarliðið fjóra mánuði að pakka niður

Það tekur Varnarlið fjóra mánuði að pakka niður fyrir brottför hersins í haust. Allar deildir hans vinna nú að áætlunum um hvernig haga á brottförinni. Ekkert liggur fyrir um framtíð íbúðarhúsnæðis og annars húsnæðis í eigu Bandaríkjamanna á flugvellinum. Meirihluti hernaðarmannvirkja á Keflavíkurflugvelli er í eigu Atlantshafsbandalagsins, NATO.

Bandaríkjamenn eiga hins vegar allt íbúðarhúsnæði á vellinum, auk sjúkrahúss, skóla, íþróttamannvirki og húsnæði undir alls kyns þjónustustarfsemi. Það eru íbúðir fyrir átta til níuhundruð fjölskyldur og um eða yfir eitt þúsund einstaklinga. Þessa dagana vinna allar deildir hersins að gerð áætlana um hvernig haga beri brottflutningnum. Áætlanirnar gera ráð fyrir að flutningnum verði lokið í september.

Hins vegar er brottflutningur ekki hafinn, þar sem enn á eftir að samræma þessar áætlanir. Friðþór segir ekkert liggja fyrir á þessari stundu hvað verður um íbúðarhúsnæði hersins á Keflavíkurflugvelli. Herinn hefur hins vegar sagt upp samningi við Hitaveitu Suðurnesja, upp á um 570 milljónir króna á ári. Það er ljóst að ekki fer vel fyrir húsnæði sem ekki er kint eða hirt um. Það verður því fróðlegt að sjá hvað herinn ætlar sér með þetta húsnæði, hvort hann vill koma því í hendur Íslendinga eða jafnvel láta rífa það.