Ríkið getur ekki bannað fjölgun álvera

Á fimm stöðum á landinu er nú verið að undirbúa aukna álframleiðslu. Í Straumsvík og á Grundartanga er stefnt að stækkun álvera, nýtt álver er að rísa á Reyðarfirði og stefnt er að nýjum álverum á Húsavík og í Helguvík. Jóhann Ársælsson segir að jafnvel þótt stjórnvöld vildu þá hafi þau ekki lagaleg úrræði til að koma í veg fyrir þessa uppbyggingu. Jóhann furðar sig á því að umhverfisráðherra skuli nú leggja fram frumvarp á Alþingi um skráningu losunar gróðurhúsalofttegunda án þess að taka á þessu.