Ekki samstaða um hvort að vændiskaup eigi að vera refsiverð

Ekki náðist samstaða um hvort gera ætti kaup á vændi refsiverð í starfshóp sem dómsmálaráðherra skipaði árið 2004 og farið hefur yfir málið. Starfshópurinn kannaði mismunandi löggjöf um vændi á Norðurlöndum og víðar.

Starfshópurinn hefur nú skilað skýrslu en þar má finna ítarlega umfjöllun um löggjöf sem snertir vændi og vændiskaup. Sérstaklega er farið í kosti og galla þess að gera vændiskaup refsiverð. Starfshópinn skipuðu Kolbrún Halldórsdóttir, Ágúst Ólafur Ágústsson, Gunnar Örn Örlygsson, Jónína Bjartmarz, Ásta Möller og Ragna Árnadóttir sem var formaður starfshópsins.