Vill senda Nicole í steininn

Lionel Richie er orðinn þreyttur á hegðun dóttur sinnar, smávöxnu stjörnunnar Nicole Richie. Lionel hefur stutt rækilega við bakið á ættleiddri dóttur sinni en jafnframt haft þungar áhyggjur af henni.

Síðast skikkaði hann Nicole til að leita sér hjálpar vegna þess hve grannvaxin hún var orðin. Eftir að hún var handtekin fyrir að keyra undir áhrifum eiturlyfja hefur hann hins vegar fengið nóg og mælist nú til þess að henni verði gert að dúsa í fangelsi, það hræði hana kannski inn á rétta braut.