Telur að rekja megi húsleitina til samkeppnisaðila

Samkeppniseftirlitið gerði fyrr í dag húsleit hjá Vísa Íslandi vegna gruns um brot á samkeppnislögum. Framkvæmdastjóri VISA segist ekkert skilja í aðgerðunum og telur að rekja megi þetta allt til samkeppnisaðila.

Einkennisklæddir lögreglumen mættu á skrifstofu VISA í morgun. Þar framvísuðu þeir heimild til húsleitar. Í henni fólst að þeir mættu taka afrit af gögnum en leitin var gerð að beiðni samkeppnisyfirvalda. Páll Gunnar Pálsson, forstjóri Samkeppniseftirlitsins, segir rökstuddan grun hafa verið um brot á bannákvæðum samkeppnislaga og því hafið verið talið óhjákvæmilegt að óska eftir húsleit til að upplýsa málið. Hann vill þó ekkert segja um hvaða rök séu þar að baki. Húsleitin kom hins vegar framkvæmdastjóra VISA á óvart.

PBS er í eigu danska seðlabankans, danskra banka og sparisjóða og á í samkeppni við VISA. Halldór segir kortaþjónustuna sem er í eigu PBS hafa lagt fram kærur fjórum eða fimm sinnum.

Forstjóri Samkeppniseftirlitsins segir þá búa yfir upplýsingum um málið sem þeir hafi fengið frá utanaðkomandi aðila en vill þó ekki upplýsa hvaðan þær upplýsingar eru komnar.