Umferðartafir af völdum Roger Waters

Talsverðar tafir urðu á umferð á Vesturlandsvegi í gærkvöld vegna tónleika Roger Waters, forsprakka hljómsveitarinnar Pink Floyd, í Egilshöll. Lögregla var með aukamannskap við umferðarstjórn í Grafarvogi en umferð gekk mjög hægt þar sem aðein ein akrein liggur frá Vesturlandsvegi og upp í Egilshöll.

Þá þurfti lögregla að láta fjarlægja nokkra bíla sem tónleikagestir höfðu lagt í veg fyrir aðra. TAlið er að um sjö þúsund bílar hafi verið á svæðinu og 15 þúsund gestir á tónleikunum, sem þóttu takast vel, eftir að þeir gátu hafist. Umferð frá tónleikahöllinni gekk betur að tónleikunum loknum.