Var dónaleg við tengdó

Eins og kunnugt er fékk kryddpían Mel B á dögunum sömu meðferð og Minnie Driver mátti sæta hér um árið, þegar henni var sagt upp í beinni útsendingu eða því sem næst.

Nú virðist ástæða sambandsslitanna vera að koma í ljós, því fregnir herma að Mel B og móður Eddies Murphy hafi samið svo illa að hann hafi neyðst til þess að taka afstöðu.

Segja vinir hans að það hafi bara einn sigurvegari komið til greina í þeirri vinsældakeppni. Þjónustufólk á heimili Murphy segir kryddpíuna hafa verið dónalega og ruddalega í framkomu, og ef slíkt hið sama átti við um samskipti hennar við tengdamóður sína er varla skrýtið að Murphy hafi látið dömuna sigla sinn sjó, þó að hann hefði getað farið smekklegar að því.