Áherslan á slysavarnir

Forvarnahús Sjóvá var opnað á föstudag en markmið þess er að efla og samræma forvarnir í landinu.

Forvarnahúsið mun í byrjun leggja áherslu á hvers skyns slysavarnir, barnaslys, öldrunarslys og umferðarslys. Herdís L. Storgaard, forstöðumaður Forvarnahúss, segir að ætlunin sé að safna saman upplýsingum og búa til gagnagrunn og koma upp þekkingarsetri.

Forvarnahúsið mun einnig taka á móti hópum, til dæmis öldruðum og nýbökuðum foreldrum til þess að fræða þá um slysavarnir á heimilum. "Við höfum lagt á það mikla áherslu að Forvarnahúsið, eða hluti þess, verði færanlegur því við ætlum svo sannarlega líka að þjóna landsbyggðinni," segir Herdís.