Guðni Ágústsson vill opinbert álverð

Guðni Ágústsson landbúnaðarráðherra og varaformaður Framsóknarflokksins tók undir það sjónarmið Einars Odds Kristjánssonar, varaformanns fjárlaganefndar, í þættinum Pressunni á NFS í gær, að Landsvirkjun eigi að opinbera orkusölusamning fyrirtækisins við Alcoa.

Helgi Hjörvar þingmaður Samfylkingar og stjórnarmaður í Landsvirkjun ætlar að leggja það til á næsta stjórnarfundi Landsvirkjunar að orkusölusamningurinn verði opinberaður. Hann ákvað það eftir að fram kom á heimasíðu Alcoa að fyrirtækið greiði allt að helmingi hærra verð fyrir raforku til álvers fyrirtækis í Brasilíu en á Íslandi.