Farið yfir feril Halldórs

Ferill Halldórs Ásgrímssonar spannar yfir þrjátíu ár í stjórnmálum.

Halldór settist fyrst á þing í Austurlandskjördæmi árið 1974, en hann er fæddur á Vopnafirði. Hann hefur setið á þingi nær óslitið síðan þá, en flutti sig um set fyrir síðustu alþingiskosningar og leiddi lista Framsóknarflokksins í Reykjavíkurkjördæmi norður.

Halldór var fyrst settur inn í ráðherraembætti árið 1983, þá sem sjávarútvegsráðherra. Hann gegndi því embætti til 1991 auk þess sem hann var jafnframt dóms- og kirkjumálaráðherra veturinn 1988 til 1989. Árið 1980 varð hann varaformaður Framsóknarflokksins og árið 1994 var hann kosinn formaður Framsóknarflokksins. Ári síðar myndaði hann ríkisstjórn með sjálfstæðisflokknum og stendur það samstarf enn.

Hann gegndi embætti utanríkisráðherra frá 1995 þangað til í september 2004 þegar hann yfirgaf það til að taka við embætti forsætisráðherra af Davíð Oddssyni.

Halldór tók samvinnuskólapróf árið 1965 og endurskoðandapróf árið 1970. Hann stundaði framhaldsnám við verslunarháskólana í Björgvin og í Kaupmannahöfn á árunum 1971 til 1973.