Unnið að því að bæta hagkvæmni og skilvirkni í íslenska stjórnkerfinu

Einfaldara Ísland var yfirskrift ráðstefnu um gagnsæjara stjórnkerfi og reglugerðasetningu sem haldin var á hótel Nordica í dag. Ráðstefnan er liður í vinnu starfshóps sem vinnur að því að bæta hagkvæmni og skilvirkni reglugerðarsetningar í íslensku stjórnkerfi. Meðal tillagna sem kynntar voru á ráðstefnunni voru að öllum frumvörpum skuli fylgja greining á því hvaða aðrar leiðir hefðu verið færar og af hverju sú lausn sé valin sem fram kemur í frumvarpinu. Einnig skuli kynna frumvörp betur á síðu Alþingis og gefa lengri tíma þegar óskað er eftir utanaðkomandi athugasemdum. Starfshópurinn er skipaður fulltrúum ráðuneyta auk ýmissa hagsmunaaðila.