Vilja forystursveit sem stillir til friðar innan Framsóknar

Stjórn Kjördæmissambands framsóknamanna í Reykjavíkurkjördæmi norður, stjórn Framsóknarfélags Reykjavíkurkjördæmis norður og stjórn félags ungra framsóknarmanna í Reykjavíkurkjördæmi norður, harma þá ákvörðun Halldórs Ásgrímssonar forsætisráðherra að hverfa brátt af vettvangi stjórnmálanna eftir áratuga farsælt starf.

Þetta kemur fram í ályktun frá framsóknarfélögunum í Reykjavík norður. Þar kemur einnig fram að það sé mat stjórnanna að framlag Halldórs til friðar innan flokksins muni aðeins ganga eftir ef aðrir æðstu forstumenn flokksins, Guðni Ágústsson varaformaður og Siv Friðleifsdóttir ritari, axli með sama hætti ábyrgð sína og víki til hliðar persónulegum hagsmunum. Stjórnir framsóknarfélaganna í Reykjavík leggja til að á næsta flokksþingi verði valin forystusveit sem er ekki bundin á klafa áralangrar togstreitu heldur megnar að skapa frið innan raða flokksmanna.