Vill hætta sem hörkutól

Leikarinn Denzel Washington segist þreyttur á því að leika fól og hörkutól. Hann segist vera kominn með nóg af því að þurfa halda sér í formi og að hans síðustu hlutverk hafi þreytt hann mikið.

„Ég vil helst fá að leika gæja núna sem er hálf slappur, þybbinn og er að reyna halda í konuna sína, sem er orðin þreytt á honum. Þetta er kannski léleg ástæða fyrir því að nenna ekki í ræktina, en þetta er það sem ég vil,“ segir Washinton. Síðustu kvikmyndir kappans eru Man on Fire, Inside Man og The Manchurian Candidate.