Eins og Tony Blair

David Hasselhoff lítur á sjálfan sig sem bandarískan Tony Blair. Fyrrum Baywatch-stjarnan og núverandi poppgoðið segist líta upp til Blair og dást að siðgæði hans og almennri afstöðu.

Hasselhoff hefur tjáð forsætisráðherranum þetta, og bætti því við að Blair minnti hann á sjálfan sig. Ekki fylgir þó sögunni hversu upp með sér Blair varð. Hasselhoff lét ekki staðar numið við þetta og bætti því við að hann gæti vel hugsað sér frama í stjórnmálum: virðing og vinsemd við nágranna myndu verða pólitísk baráttumál hans.