Framúrskarandi Íslendingar

Íslandsdeild JCI kynnti í dag í Norræna húsinu árlega útnefningu sína á sex framúrskarandi ungum Íslendingum. JCI er alþjóðleg hreyfing sem leitast eftir því að efla stjórnunarhæfileika og frumkvæði ungs fólks. Hreyfingin útnefnir árlega framúrskarandi þjóðfélagsþegna, ungt fólk sem þykir skara fram úr á sínu sviði.

Þessir sex framúrskarandi ungu Íslendingar árið 2006 eru Ragnhildur Káradóttir á sviði læknisfræði, Einar Bárðarson á sviði menningar- og líknarmála, Björgólfur Thor Björgólfsson á sviði viðskipta, Rósa Gunnarsdóttir á sviði nýsköpunar barna, Hendrikka Waage á sviði viðskipta og Veigar Margeirsson á sviði menningar. Helmingur hinna heiðruðu var erlendis og fengu þeir fjölskyldumeðlimi til að veita viðurkenningunni viðtöku fyrir sína hönd.