Dæmdir í skilorðsbundið fangelsi fyrir líkamsárás

Tveir ungir menn voru í dag dæmdir í Héraðsdómi Norðurlands eystra í skilorðsbundið fangelsi fyrir líkamsárás sem framin var við skíðahótelið í Hlíðarfjalli í október í fyrra. Annar maðurinn var dæmdur í 45 daga skilorðsbundið fangelsi en hinn í 30 daga.

Aburðurinn átti sér stað að næturlagi en menn fengu far ásamt félaga sínum með tveimur öðrum ungum mönnum sem voru á bíl. Í bílnum kom til orðaskipta milli þeirra og hótuðu þá ökumaður bílsins og félagi hans að skilja mennina eftir hjá Skíðaskálanum í Hverafjalli. Þegar þangað var komið, kom til átaka, sem enduðu með því að félagarnir tveir sem fengu far, réðust að vini ökumannsins sem einnig var farþegi í bílnum. Í dómnum segir að atlaga að manninum hafi verið nokkuð hörð. Á hinn bóginn þykir ljóst að mennirnir höfðu verið sviptir frelsi þegar þeim var ekið upp í Hlíðarfjall og þeir orðið hræddir við það, en þeir voru 18 ára þegar atvikið átti sér stað. Svo virðist sem þeir hafi misst stjórn á aðstæðum með fyrrgreindum afleiðingum og gengið mun lengra en tilefni var til. Í dómum kemur fram að tekið er tillit til aldurs mannanna og að þeir hafi játað brot sitt greiðlega.