Dalvíkurbyggð opnar nýja heimasíðu

Ný og uppfærð heimasíða Dalvíkurbyggðar var opnuð í dag fimmtudaginn 1. júní á slóðinni www.dalvik.is.

Nýja síðan ákveðin andlitslyfting á eldri síðu sveitarfélagsins en hlutverk hennar er einnig að auka rafræna þjónustu sveitarfélagsins við íbúa þess. Að auki hefur ýmsum upplýsingum um sveitarfélagið verið bætt við vefinn. Heimasíðan er unnin af fyrirtækinu Outcome Hugbúnaði ehf.

Nýja síðan mun áfram hafa nýjustu fundargerðir ráða og nefnda og viðburðadagatal á forsíðu líkt og sú eldri gerði en til viðbótar hafa bæst við flýtileiðir inn á helstu eyðublöð og önnur málefni sem mikilvæg eru hverju sinni.

Meðal þeirra nýjunga sem síðan hefur er betra viðmót fyrir fatlaða þar sem boðið er uppá notendaviðmót fyrir sjónskerta og blinda.

Íbúar geta nú sjálfir skilað inn álestri hitaveitu í gegnum netið og flýtt þannig málum sem tengjast þeim.

Vefsíðan er liður í aukinni þjónustu við íbúa, en sveitarfélagið færist óðfluga í átt að rafrænni stjórnsýslu og verður áfram unnið að bættum möguleikum íbúa á 24 tíma þjónustu sveitarfélagsins við íbúa

Auk uppfærslu á heimasíðu Dalvíkurbyggðar verða opnaðir nýjir vefir fyrir Byggðasafnið Hvol og Bóka- og héraðsskjalasafn Dalvíkur. Vefina má finna á eftirfarandi vefslóðum: www.dalvik.is/byggdasafn og http://www.dalvik.is/bokasafn