Alvarlegt bílslys á mótum Eyrarbakkavegar og Þorlákshafnarvegar

Tvær konur slösuðust mjög alvarlega þegar jeppi þeirra lenti í hörðum árkestri við stóran hópferðabíl á mótum Eyrarbakkavegar og Þorlákshafnarvegar um klukkan ellefu í morogun. Allt lögreglulið og sjúkrabílar frá Selfossi voru send á vetvang og tækjabíll frá Slökkviliðinu í Hveragerði til að klippa flakið utan af konunum. Þær voru fluttar á Slysadeild Landsspítalans og þaðan á gjörgæsludeild. Ökumaður hópferðabílsins slapp hinsvegar nær ómeiddur. Loka þurfti þjóðveginum á meðan á björgunaraðgerðum stóð og á meðan lögreglumenn og fulltrúar Rannsóknarnefndar bílslysa og Bílgreinasambandsins rannsökuðu vettvang. Svo virðist sem jeppanum hafi verið ekið þvert í veg fyrir hópferðabílinn.