Tómas Zoëga verður ekki aftur yfirlæknir

Tómas Zoëga hefur látið af störfum við Landspítala Háskólasjúkrahús. Hæstiréttur Íslands úrskurðaði fyrr í mánuðinum að tilfærsla Tómasar í starfi hafi verið ólögmæt.

Yfirstjórn Landspítalans hefur hins vegar lýst því yfir að hún muni ekki skipa Tómas aftur í stöðu yfirlæknis nema hann hætti rekstri læknastofu sinnar. Samningaviðræður hafa átt sér stað milli Tómasar og yfirstjórnar spítalans en í gær slitnaði upp úr þeim. Tómas hefur lýst því yfir að hann ætli að höfða skaðabótamál á hendur spítalanum.