Metfjöldi göngufólks á Hvanndalshnjúki

Metfjöldi fjallgöngumanna mun hafa náð hæsta tindi Íslands í dag. Að mati Ferðafélags Íslands eru það alls um 300 manns sem horfa ofan af Hvannadalsnjúknum í dag. Þar af eru 132 í för með Ferðafélaginu sem eru mun fleiri en í fyrra. Þá eru Íslenskir fjallaleiðsögumenn og Einar í Hofsnesi með skipulagðar ferðir, auk þess sem erfitt er að slá tölu á alla þá sem leggja á Hnjúkinn á eigin vegum. Að sögn þeirra sem voru á staðnum var snjóflóðahætta vikunnar liðin hjá og prýðisgott veður, þó aðeins drægi ský að Hnjúknum með deginum.