Ekki í vísindakirkjunni

Jim Carrey og Jennifer Lopez eru ekki gengin til liðs við Vísindakirkjuna, en Fréttablaðið greindi frá því fyrr í vikunni. Eftir að Carrey og Lopez mættu í brúðkaup Toms Cruise og Katie Holmes á Ítalíu töldu margir að þau hefðu gengið í Vísindakirkjuna, en áður höfðu þau ekki haft nein persónuleg samskipti við Katie og Tom.

Nú hefur Jennifer Lopez neitað því að hafa tekið upp þessi vafasömu trúarbrögð og segist halda sig við sína kaþólsku eins og mamma kenndi henni. Fjölmiðlafulltrúi Carreys hefur einnig sagt að grínistinn komi ekki nálægt Vísindakirkjunni.