Einkabílstjóri Yoko Ono fangelsaður

Fyrrverandi einkabílstjóri Yoko Ono, ekkju Johns Lennon, hefur verið fangelsaður fyrir að hafa reynt að hafa um 140 milljónir króna af Yoko og fyrir að áforma að láta myrða hana.

Ætli hann að losna úr fangelsi áður en dæmt verður í máli hans þarf hann að greiða um 35 milljónir króna.

Bílstjórinn, sem heitir Koral Karsan, sendi bréf til Yoko þann 8. desember, sama dag og Lennon var myrtur árið 1980. Þar stóð að hún yrði að láta hann fá 140 milljónir ellegar myndi hann senda fjölmiðlum ljósmyndir og upptökur af samtölum sem hún átti.

Ekki er langt síðan Yoko, sem er 73 ára, kom hingað til Íslands til að kynna friðarsúlu sem hún hyggst láta setja upp í Viðey.