Rifist um nöfn

Söngkonan Mariah Carey hefur hótað að lögsækja klámmyndaleikkonuna Mary Carey, en Mariah segir að nöfn þeirra tveggja séu of lík. Söngkonan segir ennfremur að aðdáendur sínir gætu lent í því að ruglast vegna nafnanna og þá komi það henni mjög illa.

Mary Carey sem heitir réttu nafni Mary Cook, hlær að hótunum Mariah og segist ekki óttast neina lögsókn. „Þetta er bara fyndið, ég leik í klámmyndum og hef gert það lengi en hún er söngvari. Þetta er bara einhver della í henni," segir Mary Carey. Lögmaður klámmyndaleikkonunnar segir að erfitt verði að sanna fyrir rétti að létt sé að ruglast á klámiðnaðinum og tónlist.