Trúlofaðist Tony Parker

Eva Longoria, sem leikur í þáttunum Desperate Housewifes, hefur trúlofast franska körfuboltakappanum Tony Parker.

Að sögn talsmanns Longoria flaug Tony til Longoria á heimili hennar í Los Angeles eftir leik með San Antonino og kom henni á óvart þegar hún kom heim úr vinnunni. „Bónorðið var rómantískt og alveg fullkomið. Þau ætla að giftast í Frakklandi sumarið 2007 með fjölskyldum sínum og vinum,“ sagði talsmaðurinn.

Longoria, sem er 31. árs skildi við leikarann Tyler Christopher árið 2004 eftir tveggja ára hjónaband. Parker, sem er 24 ára, hitti Longoria eftir leik San Antonio fyrir tveimur árum.