Philo hannar fyrir GAP

Pheobe Philo varð þekkt nafn innan tískuheimsins þegar hún fékk það erfiða hlutverk að taka við starfi Stellu McCartney sem aðalhönnuður hjá Chloe. Hún gerði það vel og fatamerkið gekk vel undir hennar stjórn enda merkið þekkt fyrir að vera eitt best selda hátískumerkið.

Fyrir tveimur árum sagði Philo hins vegar skilið við Chloe og hvarf úr sviðsljósinu. Að hennar sögn fékk hún nóg af tískubransanum og ákvað að einbeita sér að dóttur sinni og fjölskyldu.

Nú er þessi hæfileikaríki hönnuður hins vegar komin aftur og er nú að hanna línu fyrir bandaríska fatamerkið GAP. GAP er ekki frægt fyrir að vera mikið tískumerki enda er klassík þeirra aðalsmerki en nú virðast þeir vera að spýta í lófana og segjast eiga fleiri tromp uppi í erminni sem þeir ætla að opinbera eftir áramót.

Það verður því forvitnilegt að sjá hvernig Pheobe Philo tekst að poppa upp hið klassíska gallafatamerki og gera það að alvöru tískumerki.