Jólahátíð rétttrúnaðarmanna gengin í garð

Söfnuður rétttrúaðarmanna kom saman í Landakotskirkju í gærkvöldi, auk nokkurra Íslendinga. Um 150 manns eru skráðir í söfnuðinn sem þjónar rétttrúnaðarmönnum frá Rússlandi, Serbíu, Búlgaríu, Georgíu, Úkraínu, Slóvkíu og fleiri löndum. Samkvæmt júlíanska tímatalinu, sem rétttrúnaðarmenn fara eftir, ganga jólin í garð 6. janúar eða sama dag og Íslendingar ljúka jólahaldi. Sumar rétttrúnaðarfjölskyldu sem eru búsettar á Íslandi halda þó bæði upp á jólin samkvæmt rússneskum og íslenskum hefðum. Séra Timofei, prestur rétttrúnaðarmanna á Íslandi, segir að rétttrúnaðarmenn á Íslandi haldi jólin hér á landi líkt og í Rússlandi en margir haldi einnig upp á íslensk jól líkt og íslenskir vinir og kunningar gera.

Að sögn Séra Timofei er enginn sérstök matarhefð á jólunum hjá rétttrúnaðarmönnum og hvað gjafir varðar þá er það dýrðlingurinn Sankti Nikulás sem gefur gjafirnar, ekki jólasveinninn. Hann segir Sankti Nikulás ekki bara færa börnum gjafir heldur líka fullorðnum.