Vill nýtt nef

Í viðtali við W Magazine segist Cameron Diaz ætla sér í lýtaaðgerð. Hún kveðst þó ekki ætla sér að leggjast undir hnífinn af fegrunarástæðum, enda hefur leikkonan oft prýtt lista yfir fegurstu konur heims.

Diaz lenti í því fyrir fjórum árum að brjóta á sér nefið þegar hún var á brimbretti, en sú íþrótt er í miklu uppáhaldi hjá henni. Það var í fjórða skiptið sem nefið fagra brotnaði, og fór það svo illa að Diaz á nú í erfiðleikum með að anda, og líkti hún nefi sínu við lestarslys í viðtalinu.