Gifta sig á Ítalíu

Stjörnuparið Tom Cruise og Katie Holmes eru nú búin að ákveða dagsetningu og staðsetningu fyrir brúðkaupið sitt. Þau hafa ákveðið að ganga í það heilaga þann 28. nóvember næstkomandi í einbýlishúsi George Clooney við Como-vatnið á Ítalíu.

Gestalistinn er ekki af verri endanum en samkvæmt blaðinu The Sun mun fræga fólkið flykkjast til Ítalíu til að heiðra leikarana með nærveru sinni. Cruise og Holmes eru búin að kaupa sér einbýlishús við hliðina á Clooney við Como-vatn. Katie Holmes mun skarta Chanel kjól í brúðkaupinu sem hún keypti á tískuvikunni í París á dögunum.