Kaupa finnska Pizza Hut

Pizza Hut á Íslandi, sem er í eigu Péturs Jónssonar og Þórdísar Lóu Þórhallsdóttur, gekk í gær frá samningum um kaup á Pizza Hut-vörumerkinu í Finnlandi af fjölmiðlafyrirtækinu Rautakirja. Kaupverð fékkst ekki uppgefið.

Rautakirja rak átta veitingastaði í Finnlandi undir merkjum Pizza Hut; sjö í höfuðborginni Helsinki og einn til viðbótar í Tampere, um tvö hundruð kílómetra frá Helsinki.

Þórdís Lóa Þórhallsdóttir segir ætlunina að byggja ofan á það sem fyrir er fremur en að fjölga stöðum. Þetta er ágætur rekstur og Pizza Hut-vörumerkið er mjög þekkt hér í Finnlandi. Við ætlum að leggja áherslu á að byggja upp fjölskylduvæna veitingastaði, rétt eins og við höfum gert á Íslandi.