Vilja heildarendurskoðun

Stjórnarandstöðuflokkarnir í Reykjavík vilja heildarendurskoðun á hreinsunar- og fegrunarmálum borgarinnar svo að hægt sé að tryggja jafna hreinsun á borginni allt árið um kring. Þetta kemur fram í bókun stjórnarandstöðunnar úr borgarráði í gær.

Um fjögur þúsund grunnskólanemar vinna nú hörðum höndum við að koma borginni í fallegt ástand fyrir þjóðhátíðardaginn, en lenging skólaársins hefur gert það að verkum að þessi árlega hreinsun hefst of seint að mati stjórnarandstöðunnar.

Meirihlutinn í borgarstjórn hefur sagt að hans fyrsta verk verði að efna til hreinsunarátaks. Margir borgarbúar hafi kvartað yfir sóðaskap fyrir kosningar.