Þrír nýjir framsóknarráðherrar

Þrír nýir framsóknarráðherrar verða í ríkisstjórn Geirs Haarde sem tekur við forsætisráðherrastólnum af Halldóri Ásgrímssyni næsta fimmtudag.  Valgerður Sverrisdóttir flytur sig úr iðnaðar- og viðskiptaráðuneytinu í utanríkisráðuneytið en Jón Sigurðsson seðlabankastjóri tekur við stóli Valgerðar. Magnús Stefánsson tekur við af Jóni Kristjánssyni í Félagsmálaráðuneytinu en Jón lætur af ráðherradómi. Jónína Bjartmarz verður umhverfisráðherra en þaðan hverfur Sigríður Anna Þórðardóttir.

Laust fyrir klukkan byrjaði að sjást til framsóknarráðherra á gangi í miðbænum. Þeir voru þöglir sem gröfin - og sögðust bæði Guðni Ágústsson og Valgeðrur Sverrisdóttir að þau væri bara að fara að versla ... gengu þau  í áttina að ríkinu en brugðu sér síðan innum bakdyrnar á skrifstofuaðstöðu framsóknarmanna.

Eftir hálftíma gékk síðan Halldór Ásgrímsson yfir í þinghúsið og tilkynnti blaðamönnum að þeir Geir Haarde, hefðu orðið ásáttir um ráðherraskitpi í ríkisstjórn sem tekur við næsta fimmtudag undir forystu Geirs og hverfur Halldór þá úr forsætisráðuneytinu.

Á sama tíma var Geir að kynna breytingarnar í sínu ráðherraliði sem eru ekki miklar. Geir hverfur úr utanríkisráðuneytinu sem fellur framsókknarmönnum í skaut og Sigríður Anna Þórðardóttir hættir sem ráðherra - framsókn fær umhverfisráðuneytið.

Breytingin hjá Framsókn er meiri og koma þrír nýjir ráðherrar inn í ríkisstjórnina - þegar Halldór hættir.  Siv  og Guðni halda sínum ráðuneytum en Valgerður Sverrisdóttir flyst úr viðskipta og iðnaðaráðuneytinu í Utanríkisráðuneytið. - Við hennar ráðuneyti tekur Jón Sigurðsson Seðlabankastjóri. Jón Kristjánsson hættir í félagsmálaráðuneytinu og tekur Magnús Stefánsson við sem félagsmálaráðherra. Þá tekur Jónína Bjartmarz við ráðuneyti umhverfismála.