Sammála um að aðgerða þörf í málefnum aldraðra

Oddvitar stjórnmálaflokkanna í Reykjavík eru sammála um að aðgerða sé þörf í málefnum aldraðra. Formaður Félags eldri borgara segir það kröfu félagsins að málefnin aldraðra verði alfarið færð til sveitafélaganna.

Það var víða komið við í umræðunni um málefni aldraðra á fundi félags eldri borgara með oddvitum stjórnmálaflokkanna í reykjavík á Hótel sögu í dag. Björn Ingi Hrafsson segir Framsóknarmenn vilja þverpólistíkt átak í málefnum aldraðra.

Dagur B. Eggertsson, oddviti Samfylkingarinnar, segir að ekki sé lengur hægt að horfa upp á áratuga setuverkfall ríkisstjórnarinnar í málefnum aldraðra.

Guðrún Ásmundsdóttir, leikkona talaði fyrir hönd Frjálslynda flokksins og lagði áherslur á kjör aldraðra í máli sínu. Svandís Svarvarsdóttir, Vinstri grænum, tók í svipaðann streng og lagði einnig áherslur á virðingu fyrir öldruðum. Hún sagði að kerfið þyrfti að taka tillit til að um einstaklinga væri að ræða en ekki málaflokk.

Hlýja og umhyggja var meðal þess sem Vilhjálmur Þ vilhjálmsson, oddviti Sjálfstæðismanna, vill sjá í auknum mæli á öldrunarheimilun borgarinnar.

Margrét Margeirsdóttir, formaður Félags eldri borgara, segir það skipta höfuðmáli að málefni eldri borgara verði færð til sveitafélagnna þar sem um nærþjónustu sé að ræða.