Hlutabréf féllu um allan heim

Hlutabréf féllu um allan heim í gær af ótta við frekari vaxtahækkanir sem draga munu úr hagvexti og hagnaði fyrirtækja. Flestar hlutabréfavísitölur heims eru komnar undir það gildi sem þær stóðu í um áramót eftir miklar hækkanir framan af ári.

Úrvalsvísitalan lækkaði um 2,52 prósent í fjögurra milljarða viðskiptum og hefur hún lækkað um meira en fimmtung frá því hún náði hæsta sögulega gildi þann 15. febrúar. Sextán félög lækkuðu, ekkert hækkaði. Bakkavör og Dagsbrún lækkuðu um meira en 4,5 prósent.

Krónan lækkaði um 1,4 prósent og stóð gengisvísitalan í 131 stigi.