Mourinho ætlar sér að fá Essien

José Mourinho, knattspyrnustjóri Chelsea, er ekki búinn að gefast upp á því að reyna að fá Mikael Essien, landsliðsmann Ghana og miðjumann Lyon í Frakklandi, til Chelsea þrátt fyrir að síðasta boði í leikmanninn hafi verið neitað. Essien hefur verið eftirsóttur í allt sumar en nú virðast aðeins aðeins Chelsea hafa efni á því að fá Essien til liðs við sig. "Það eina sem ég veit um þetta mál er að Essien vill koma til okkar. Forráðamenn Lyon neituðu góði tilboði í hann, og þá verðum við hjá Chelsea að bregðast við því. Lyon stendur greinilega vel fjárhagslega og þarf ekki að selja." Líklegt var talið að Roma Abramovich, eigandi Chelsea, myndi kaupa marga leikmenn til félagsins í sumar en annað hefur komið á daginn.