Áfengið veldur óbætanlegum skaða

Nýlegar rannsóknir hafa leitt í ljós að heilinn þroskast mun hægar en talið var. Framtil þess var talið að þroskinn ætti sér stað á nokkrum fyrstu árum ævinnar. Nú er vitað að þetta ferli stendur framyfir tvítugt. Það er einnig vitað að heili unglinga er mun viðkvæmari fyrir taugaskaða en heili fullorðinna, og að áfengi getur farið illa með hann. Og sá skaði getur orðið varanlegur. "Þessar taugafrumur sem eru að myndast í heilanum koma ekkert aftur svo það er varanlegt tjón þegar ung börn og unglingar verða fyrir áhrifum áfengis," segir Sólveig Jónsdóttir, sérfræðingur í taugasálfræði barna. Það heyrist iðulega af börnum jafnvel niður í tólf fjórtán ára sem drekka áfengi reglulega. "Þau eru að valda sjálfum sér óbætanlegum skaða. Þetta hefur áhrif á minni og námshæfni þeirra," segir Sólveit. "Það munar um hvert ár sem er beðið með að smakka áfengi."