Flokksþing VG hefst í dag

Í drögum að stjórnmálaályktun Vinstri hreyfingarinnar Græns framboðs, sem fjallað verður um á flokksþinginu í dag, er þess krafist að þegar í stað verði hafist handa við aðgerðir til að styrkja stöðu útflutningsgreinanna, staðið í einu og öllu við samkomulag stjórnvalda við Öryrkjabandalag Íslands og að látið verði af stóriðjustefnu. Þá er lagt til að ákvæði um rétt landsmanna til að krefjast þjóðaratkvæðagreiðslu verði sett í stjórnarskrá og að þar verði einnig að finna meginreglur um sjálfbæra þróun og umhverfisvernd.