Fyrsta brautskráning nýs rektors

Fyrsti kvenrektor Háskóla Íslands brautskráði sína fyrstu kandídata í dag. Liðlega þrjúhundruð kandídatar brautskráðust, en meðal þeirra voru hjón á Ísafirði sem útskrifuðust saman úr fjarnámi í íslensku, og fyrsti nemandinn í upplýsingatækni á heilbrigðissviði útskrifaðist einnig í dag. Kristín Ingólfsdóttir háskólarektor sagði Háskóla Íslands faglega vel í stakk búinn til að ráðast í næsta áfanga, sem væri að styrkja stöðu sína sem fullburða rannsóknarháskóli og næstu fimm ár ættu að fimmfalda fjölda doktorsnema, sem útskrifast árlega frá skólanum.