Einsemd getur leitt til geðraskana

Fólki sem býr eitt getur verið hætt við geðröskunum sökum samskiptaleysis við annað fólk. Miðborgarprestur segir forvitni af hinu góða þar sem hún getur bjargað mannslífum og komið í veg fyrir eyðileggingu á heimilum fólks. Nokkur dæmi eru um að fólk hafi legið látið heima hjá sér vikum saman, áður en það uppgvötaðist. Margir einstæðingar eru í Reykjavík og ekki síst í miðborginni. Fjárhagsaðstoð á vegum félagsþjónustu hefur verið mest þar á undanförnum árum. Jóna Hrönn Bolladóttir, miðborgarprestur, segir að margir af þeim vera einmana og lifa alvarlega félagslega einangrun og hún benti á að það sé vitað að alvarlega félagsleg einangrun geti valdið geðröskunum og því er þetta málefni sem allir þurfa að láta sig varða. Hún sagði einnig athyglisvert að eftir því sem við búum þéttari og fleiri þeim mun lengra virðist vera á milli okkar. Jóna Hrönn segir unnið að gerð tengslanets stofnana og hreyfinga til að auka öryggi barna og unglinga. Hún telur nauðsynlegt að gera slík hið sama fyrir aldraða og þá sem búa einir og hafa lítil eða engin tengsl við annað fólk. Jóna Hrönn segir hver og einn verða að taka ábyrgð í stað þess að treysta á hverfaaðstoð, rauða krossinn eða annað slíkt. Jóna Hrönn og eiginmaður hennar séra Bjarni Karlsson hafa reynslu að sýna umhyggju þegar ekki reyndist þörf á henni en segja það betra afskiptaleysi.