Fjölgað mikið í sjálfstæðisfélaginu í Hafnarfirði fyrir prófkjör

Búist er við harðri baráttu í prófkjöri Sjálfstæðisflokksins í Hafnarfirði fyrir bæjarstjórnarkosningar á næsta ári sem fram fer í dag. Haraldur Þór Ólason og Valgerður Sigurðardóttur bjóða sig fram til fyrsta sætis en alls slást 16 frambjóðendur um átta efstu sætin á lista sjálfstæðismanna. Kjörstaður var opnaður klukkan tíu í morgun í Víðistaðaskóla og verður opinn til átta í kvöld. Um fimm hundruð manns hafa bæst í flokkinn í aðdraganda prófkjörsins og eru nærri tvö þúsund og sjö hundruð á kjörskrá og fjölgar enn. Fyrstu tölur úr prófkjörinu er væntanlegar skömmu eftir að kjörstað verður lokað en búist er við að endalegar tölu liggi fyrir um klukkan tíu.