Ekið á hreindýr

Ekið var á hreindýr inn við Skriðuklaustur í Fljótsdal í dag. Hreindýrið lét lífið við áreksturinn og fólksbíllinn sem ók á dýrið er mikið skemmdur.

Atkvikið átti sér stað um þrjúleytið í dag en dýrið hljóp skyndilega út á veginn og gat ökumaður engu bjargað og ók á dýrið. Samkvæmt upplýsingum frá Lögreglunni á Egilstöðum kemur það annars lagið fyrir að keyrt sé á hreindýr og telur hún að á bilinu fimm til átta slík tilvik hafi komið upp í ár. Sjaldgæft er þó að keyrt sé á hreindýr á þessum stað þar sem dýrin halda sig mikið upp á Fljótsdalsheiði. Þau leita þó nær neðar og nær byggð þegar kalt er í veðri.