Fjölmennt á kvennafrídegi á landsbyggðinni

Konur á landsbyggðinni voru mun virkari þátttakendur í kvennafrídeginum en fyrir þrjátíu árum. Á Akureyri fjölmenntu konur í Sjallann. Starfsemi fyrirtækja var víða hálflömuð og öll þjónusta gekk hægar en venjulegt er.

Við upphaf hátíðarhalda á Egilsstöðum kom strax í ljós að húsnæðið var allt of lítið og voru þau flutt í heilu lagi í íþróttahús Egilsstaða. Sömu sögu er að segja á Ísafirði. Gangan frá torginu að Alþýðuhúsinu þar var fjölmenn og eftir að dagskrá lauk gæddu konurnar sé á kaffi og kleinum sem eiginmennirnir sáu um að bera fram.