2B ætla að höfða meiðyrðamál

Meiðyrðamál verður höfðað gegn formanni Rafiðnaðarsambandsins vegna orða hans um starfsmannaleiguna 2B. ASÍ krefst þess að lögreglurannsókn fari fram á starfsmannaleigunni, en stjórnendur hennar eru sagðir hvetja til þess að pólskir verkamenn séu barðir.

ASÍ hyggst ennfremur höfða mál á hendur starfsmannaleigunni en kjör á milli fjörutíu og fimmtíu mál verkamanna sem starfa á vegum 2B víða um land eru nú til rannsóknar hjá verkalýðshreyfingunni. Þorbjörn Guðmundsson, formaður Samiðnar, vildi ekki gefa neitt upp um þær kannanir að svo stöddu en Oddur Friðriksson, yfirtrúnaðarmaður starfsmanna á Kárahnjúkum, segir nokkur samtöl sín við verkamenn á vegum 2B hafa staðfest að brotið sé á þeim með sama hætti og dæmi eru sögð vera um á Kárahnjúkum.

En forsvarsmenn 2B ætla ekki að sitja aðgerðalausir og tilkynntu í dag að þeir hygðust höfða meiðyrðamál á hendur formanni Rafiðnaðarsambandsins. Sveinn Andri Sveinsson, lögmaður 2B, segir það með ólíkindum að formaður Rafiðnaðarsambandsins og yfirtrúnaðarmaður starfsmanna á Kárahnjúkum láti svona ummæli falla frá sér. Hann segir nauðsynlegt að fá ummælin dæmd ómerk þar sem verið sér að bera upp á umbjóðenda Sveins að hann stundi skipulagða glæpastarfsemi og starfsemi fyrirtækisins sé líkt við vændishring. Sveinn sagði það með ólíkindum að menn skyldu láta svona ummæli falla og þeir eigi að taka afleiðingum gjörða sinna.