Aflaverðmæti eykst um 100 miljónir milli ára

Á fyrstu sjö mánuðum ársins var aflaverðmæti íslenskra skipa af öllum miðum 41,8 milljarðar króna samanborið við 41,7 milljarða á sama tímabili í fyrra. Aflaverðmæti hefur því aukist um tæpar 100 milljónir, á verðlagi hvors árs fyrir sig.

Verðmæti afla í beinni sölu útgerða til vinnslustöðva var tæpir 18 milljarðar króna og hefur dregist saman um 1,8 milljarða. Verðmæti afla sem seldur er á fiskmörkuðum til fiskvinnslu innanlands nam 5,8 milljörðum króna og dróst saman um tæpar 300 milljónir.