KB-lán óbreytt

KB banki mun halda íbúðalánum sínum óbreyttum þó að fasteignaverð fari lækkandi og Landsbanki Íslands hafi lækkað lánahlutfall sitt í 80 prósent. Friðrik Halldórsson, framkvæmdastjóri Viðskiptabankasviðs KB banka, segir að KB banki hafi verið með öðruvísi áherslur í 100 prósent íbúðalánunum. Það hafi farið vel í viðskiptavini bankans og komið ágætlega út. Því sé ekki ástæða til annars en að bjóða óbreytt KB íbúðalán þó að starfsmenn bankans fylgist auðvitað vel með þróuninni á fasteignamarkaði.